Tho an pluw Lannberan tiredh a activita balweyth glüw
adhia termynyow avarr. An balyow a dhros arhans, sten ha plobm. “West
Chyverton” o bal arhans. Thera hujes whelyow cober “Great St George” ha “Wheal
Leisure” ewedh. Bal an diwettha a ros sten ha tungsten bys adro dhe 1944.
Thera nebes balyow henwys “Chyverton”. An brossa ha moy
sowen o Whel Chyverton West. An pedn paladar o seyth cans trooshes en downder. En
nownjegves cansvledhen thera moy es mil weythor owth obery ena, derevel dhort an tir hujes
poos a stof plobm gen content arhans ha zinc ûhel.
Whel Chyverton Nowydh (“New Wheal Chiverton”) o behatna. Overdevys ew lebmyn gen idhyow ha gen spern dû oll adro. En gwenton ew an spern dû pecar'a mor broas a vlouth gwydn.
No comments:
Post a Comment