Tabm a Gernow 32 (muddy footprints)

Stag, prei, poll ha leyj ew henwyn rag an keth tra - rag dor po gweres gleb. Ma stag lowr en Kernow. En Carnon Downs ema bownder henwys "Staggy Lane", ke nag ewa leyjek lebmyn. Òja glaw, leyjek ew lies vorrow (fordhow) broas ha bian. Nei ell gweles piw üjy o ûsya an vorrow ma. Nei ell gweles aga olow. Rag sampel, tractor, gen rosow broas, a wrüg drîvya war brei ma.

Rag sampel aral, best a wrüg kerres (kerdhes) e'n stag ma. Pehen o an best? Na ora vy. Martesen lowarn o va, po martesen nag o bes kei kebmyn.

Ello whei gweles agas honan?


An ol ma a veu gwres gen edhen broas lowr. Ma trei bes troos arag ha üdn bes troos adhelergh. Nag eus gwias tredh an besyas troos, etho na veu gwres gen edhen dhowr. Bran a'n gwres, dres lycklod.

Ma olow en gwelow, e'wedh. Hebm'ew ol ros tractor. Nag era stag saw pur vedhel o an dor gleb.