Tam a Gernow 48 (mini beasts)

Gyllys ew an payon; quit dhe ves. Ev a wrüg kerdhes tûa Melinjy. Bettegens, ma bestas whath e'n lowarth. Ma lies bestas bian. Otta bulhorn awartha dhe wedhen vian.  

Ma lies whilen vian, e'wedh. Pur deg ew hobma, pur spladn.
Pana sort ew? Na ora vy. Martesen, whilen dhor ew a neb sort. Eus whilednow del? Ma hei war blans tavolen drenk (sheep sorrel).

Nag ew da genam melwhednow, "Jan Jiek" henwys ens en ranyeth. Ma hedna e'n chei. Ev a venja debry o losow chei.

Ma tickias Düw bian lebmyn e'n lowarth, bes pur üskis ens. Me a venja kemeres lies fotograf bes e veu pur galish. Otta ticky Düw glas bian (hanow Latinek Cupido minimus). Hedn'ew ticky Düw an behatna en Breten Veur. Y skelly ew blou awarha, saw thens loos arhans awoles.

Devedhys ew hav! Otta o flourys meurgerys. Otta tegirinen purpur. Nag eus cübmyas whath dhe gour vy dhe drehy an gwels. Hir ew an gwels, bes na ro vy oy! Ma o thegirin genam.