Monday 18 July 2016

Tabm a Gernow 54 (flower meadow)

Jorna teg o de Sadorn, gen howl tòbm ha ebòrn blou. Ma pras gweljek bian dhebm, leun a flourys gwels. Ma flourys melen ha flourys purpur magata e'mesk an gwelsednow hir. Radn a'n flourys melen a wrüg treylya dhe has. Flourys moy rag nessa bledhen. An arran (orchids) purpur a wrüg treylya dhe has solabres. Pur deg o en mis Efan. Ma flourys lowr bes nag eus lies ticky Düw po lies gwenenen. Ma nebes ticky Düwes donek bian ha nebes dranow bian, gwydn aga lost, bes nag eus lies. Pe le ma oll an whesker (insects)? A vedh moy en mis Est?

"Pop! Pop!" Me a glowas tros dhort prisken eythin. Son pecar'a tardhow (explosions) bian. Pur dòbm o e'n howl ha thera an couthow (pods) eythin o folja (splitting). Keniver tardh a wrüg dehesy mes (catapult out) an has. 

No comments:

Post a Comment