Sunday 31 July 2016

Tabm a Gernow 59 (the Man Engine)

Jorna tòbm o de. Me eth dhe’n dre. Rag fra wrüga vy moas? Drefen boas an Jynn Den ena. Thera rûth veur, bush broas a düs, en Truru; pemdhek mil, car dre hevel. E veu calish dhe weles an skerrimouj cowrek wor’ talleth. Oll an düs a veu herdhys warbarth. Den, ûhel  y lev, a wrüg laul adro dhe Gernow ha agan Stat Ertach an Norves.  Nessa, me a welas môg ha me a glowas càna. 

An “Den” a savas e’mann, deg meter y ûhelder, gen gweres dhort an bobel o cana ha garma. 

HAKA BALWEYTH

(Cornish Mining Chant)
Cober! Arhans! Sten! Sten! Sten!
En pub carrek? En pub men!
Cober! Arhans! Sten! Sten! Sten!
An gwella sten? En Kernow!

War an diwedh an düs eth ker. Gwag o an plas ha possybyl o dhe weles an skerrimouj cowrek der vaner da.
   

No comments:

Post a Comment