Tabm a Gernow 97 (Twelfth Day of Christmas)

Thera lies afiniansow Nadelik war shoppes ha treven en oll an trevow ha gwigow a Gernow. Hedhyw a veu Degol Stul, an dewdhegves dedh a Nadelik. Termyn ew rag gorra dhe ves oll afiniansow Nadelik bys dhe nessa mis Kevardhû, an re ma rag ensampel. Mis Genver a vedh blewek ha disliw en kehevelyans.

Dewhelys ew an bownans dhe ûsadow. Ma tüs o kerdhes war an treth gen keun. Ma tüs erel o moas en mor rag surfya. Bes ma moy gullys vel persons war an treth. Ma lies gulla o maga e'n gover dres an treth.

En hav thew an treth cribys ha glanhys, saw en gwav ma pîlyow a flows ha gobmon dres gans an mortid. Ke na amownt! Nag eus nagonan a venja sedha war an treth ha gorwedha en howl en mis Genver.